في نفس ذات المكان
على الكرسي في البلاكونة
وأيدي بيدفيها كباية شاي سكر زيادة
وقفت وعدى قدامي كأني شايفه
عدى شريط الذكرايات
بنت الجيران قاعده بتدلع عليا
ونسمة الهوا البارد بترقص في الشجر
وبتطبطب عليا
وصوت من بعيد بينده
قشطه لباااااان
وأجمل زبادي في سلطانية
ونغم زمارة بياع غزل البنات بتنادي
وابو حلاوة يا حلو بيغني لأحلى تين شوكي
وآدي الآذان بيأذن بيلاحقه جرس الكنيسة
ادي الجمال والبساطة والحب والاحساس
ادي الذكرايات بتعدي كأنها دلوقت
آدي العمر الي راح
وياريته يرجع من تاني ينسم خدودي
ويطبطب عليا
#حطام_انسان
ليست هناك تعليقات:
إرسال تعليق