أعز اصحاب‬

أنا والصمت بقينا اصحاب
أنادي عليه يرد عليا
يلاعبني ويتعبني
وطول الوقت يغلبني

وزدنا الصحبة مح حالة
بيقولوا عليها وهمية
ويمكن وهم .. مش فاكر
وهية كمان تلاعبني والاعبها
بقيت أعرف ألاعيبها

بتبعتني لمكان تاني
مكان مبيجيش في أحلامي
شمس وقمر وسحاب مبدور
وقصر من النجوم والنور

ويجي الصمت من تاني يلاعبني
ومن تاني بيتعبني ويغلبني

ويتخانق معاه الوهم
عشان نفسه بلعبه هوه يغلبني
وانا بضحك وبتفرج
على الي نفسه يغلبني
ميعرفش اني
في كل الحالات مغلوب

ويجي الصمت من تاني يلاعبني
ومن تاني بيتعبني ويغلبني

وانا اضحك واداري ملامحي من نفسي
عشان بضحك على نفسي
والف وادور واقول تاني
أنا والصمت والوهم
أعز اصحاب وانا المغلوب